Jashari: Të gjithë ata që kishin kontakt me të infektuarit në Skenderaj dalin negativ me Covid-19

23:48 | 13 Prill 2020
Gita

Të gjithë ata që kishin kontakt me të infektuarit në Skenderaj, kanë dalur negativ me Koronavirus.

Lajmin e ka bërë të ditur përmes një postimi në Facebok, kryetari i Skenderajit, Bekim Jashari.

“Nga të gjitha mostrat e marra nga IKSHP sot në Skenderaj, nga fshati Burojë dhe rastet tjera kontakt, fatmirësisht nuk ka dalë asnjë rast pozitiv. Pra deri me tani kemi vetëm tri raste me COVID-19 pozitiv në komunën tonë”, ka shkruar Jashari.

Postimi i plotë i Jasharit:

Lajm i mirë për qytetarët e Komunës sonë

Pa panik: Nga të gjitha mostrat e marra nga IKSHP sot në Skenderaj, nga fshati Burojë dhe rastet tjera kontakt, fatmirësisht nuk ka dalë asnjë rast pozitiv. Pra deri me tani kemi vetëm tri raste me COVID-19 pozitiv në komunën tonë.

Gjithçka varet nga ju të dashur qytetarë!

Ju lutem shumë mos levizni nga shtëpitë e juaja, bashkë do t’ia dalim!

Panik JO, Kujdes PO!

Natën e mirë!